Plantun de Prouvènço

Pèr coumpara dos planto d'encò nostre

Echium creticum & Grimmia orbicularis

Echium creticum

Boraginaceae

Nom en français : Vipérine de Crète.

Descripcioun :
Aquelo suçamèlo trachis dins li tepiero seco e lis éusiero sus sòu séusous. Se recounèis à si lònguis enflourejado e à si gràndi flour roujo que podon faire fin qu'à 35 mm de long. Li fueio de la baso porton un pecou. A la subsp. dóu nostre, ié dison creticum.

Usanço :
Couneissèn pas d'usanço particuliero pèr aquelo planto. Li flour dèvon èstre bono à suça coume pèr sa cousino. Escriéure au site se n'en sabès mai.

Port : Erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Echium
Famiho : Boraginaceae

Ordre : Ordre pas nouma

Coulour de la flour : Roujo
Petalo : irreguliero
Ø (o loungour) flour : 20 à 35 mm
Flourido : Printèms

Sòu : Si
Autour basso e auto : 0 à 200 m
Aparado : Noun
Mars à mai

Liò : Pelouso - Éusiero
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Echium creticum L., 1753

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.